Dastur haqida

Foundation Program: maktab va universitet o‘rtasidagi ko‘prik

Alohida e'tiborga loyiq loyihalardan biri — Foundation Program hisoblanadi. Bu na oddiy repetitorlik kurslari, na an'anaviy universitetgacha tayyorlov dasturidir. U Constructor University (Bremen, Germaniya) bilan hamkorlikda zamonaviy Yevropa ta'lim amaliyotlari asosida ishlab chiqilgan intensiv akademik tayyorlov dasturidir.

Dastur 11-sinf o‘quvchilari, shuningdek akademik litsey va kasb-hunar kollejlari talabalari uchun mo‘ljallangan. Birinchi guruh joriy yilning yanvar oyida, ikkinchi guruh esa aprel oyida o‘qishni boshladi. Bugungi kunda dasturda 300 nafardan ortiq tinglovchi tahsil olmoqda. Mashg‘ulotlar kunning ikkinchi yarmida tashkil etiladi, bu esa ishtirokchilarga maktabdagi ta'lim bilan bir qatorda tayyorgarlikni davom ettirish imkonini beradi.

O‘quv dasturiga chuqurlashtirilgan matematika, fizika, akademik ingliz tili, shuningdek o‘qish ko‘nikmalari, jamoada ishlash va muloqot, tanqidiy fikrlash hamda vaqtni boshqarish fanlari kiritilgan. Aynan shu kompetensiyalar muhandislik ta'limida muvaffaqiyatga erishish uchun zarur bo‘lib, Foundation Programni oddiy imtihonga tayyorlov kurslaridan ajratib turadi.

Dastur davlat tomonidan to‘liq moliyalashtiriladi va mutlaqo bepul taqdim etiladi. Unda qatnashish bitiruvchilarning albatta Tosh Tech texnika universitetida o‘qishini talab qilmaydi. Bitiruvchilar istalgan oliy ta'lim muassasasini tanlash huquqiga ega. Aslida, bu yoshlarning qayerda tahsilni davom ettirishidan qat'i nazar, ularning akademik salohiyatiga qaratilgan investitsiyadir.

Foundation Program tinglovchilari ilk kundanoq universitet muhitining bir qismiga aylanadi. Ular kampus infratuzilmasidan foydalanadi, sanoat vakillari ishtirokidagi mahorat darslarida qatnashadi hamda bilimga chanqoq tengdoshlari bilan birga tahsil oladi. Bu shunchaki imtihonga tayyorgarlik emas, balki haqiqiy muhandislik va akademik muhit bilan tanishishdir.