Soʻnggi yangiliklar

Bugun — o‘zbek tiliga davlat tili maqomi berilgan kun!
1989-yil 21-oktabrda o‘zbek tiliga davlat tili maqomi berildi. Bu sana xalqimizning milliy o‘zligi, ma’naviy merosi va ona tilimizga bo‘lgan hurmatini ifodalovchi muhim tarixiy kundir.

O‘zbek tili — qalbimizga yaqin, tariximizni o‘zida mujassam etgan, milliy qadriyatlarimizni avloddan avlodga yetkazuvchi bebaho ma’naviy boyligimizdir.

Ushbu munosabat bilan ToshTech texnika universitetida talaba-yoshlarning ona tilimizga bo‘lgan hurmatini oshirish, bilim va ijodiy salohiyatini namoyon etish maqsadida “O‘zbek tili bilimdoni” hamda “O‘zbek tilida yozilgan eng yaxshi insho” tanlovlari tashkil etildi.

Tanlovlar talabalarning o‘zbek tili bo‘yicha bilimlarini, adabiy savodxonligini va ijodiy qobiliyatlarini namoyon etish uchun imkoniyat yaratdi.