ToshTech texnika universitetida Ochiq eshiklar kuni bo‘lib o‘tdi
Tadbir davomida abituriyentlar va ularning ota-onalari universitet faoliyati, ta’lim dasturlari, qabul jarayoni hamda talabalar uchun yaratilgan imkoniyatlar bilan tanishdi. Shuningdek, Boston Consulting Group (BCG) vakili Pavel Zolotaryov hamkorlik istiqbollari haqida ma’lumot berdi. Tadbir ochiq muloqot shaklida yakunlanib, ishtirokchilar o‘zlarini qiziqtirgan savollarga batafsil javob oldi. Barcha mehmonlarimizga tashrif uchun minnatdorchilik bildiramiz va sizlarni ToshTech talabalari safida ko‘rishdan mamnun bo‘lamiz!
Tosh Tech texnika universitetida Foundation tayyorlov kursi tinglovchilari bilan uchrashuvlar o‘tkazildi
Tosh Tech texnika universitetida Foundation tayyorlov kurslari direktori ishtirokida tayyorlov kursi tinglovchilari bilan uchrashuvlar tashkil etildi. Uchrashuvlar davomida tinglovchilarga universitetda yaratilgan ta’lim imkoniyatlari, Foundation dasturining mazmuni hamda ushbu dasturni muvaffaqiyatli tamomlagan talabgorlar uchun universitetga qabul jarayonida taqdim etiladigan imkoniyat va afzalliklar haqida batafsil ma’lumot berildi. Shuningdek, Foundation tayyorlov kurslari tinglovchilari uchun yakuniy nazorat ishlarini o‘tkazish sanalari e’lon qilinib, sinovlarning o‘tkazilish tartibi va baholash mezonlari yuzasidan tushuntirishlar berildi. Tadbir doirasida Foundation tayyorlov markazi rahbari ishtirokida ochiq muloqot tashkil etildi. Unda tinglovchilar o‘zlarini qiziqtirgan savollarga javob olib, ta’lim jarayoni, yakuniy baholash hamda universitetga qabul masalalari bo‘yicha zarur ma’lumotlarga ega bo‘ldilar. Mazkur uchrashuvlar tinglovchilarni Tosh Tech texnika universitetining akademik muhiti va ta’lim tizimi bilan yaqindan tanishtirish, shuningdek, ularning kelgusidagi ta’lim yo‘nalishini to‘g‘ri belgilashga ko‘maklashishga xizmat qiladi
Toshkent Tech Universiteti jamoasi Jizzax viloyatidagi iqtidorli yoshlar bilan uchrashdi
Oʻzbekistonda zamonaviy muhandis kadrlar salohiyatini oshirish hamda yoshlarni sifatli oliy taʼlimga keng jalb etish maqsadida Toshkent Tech Universiteti vakillari Jizzax viloyatida targʻibot va taqdimot tadbirlarini oʻtkazdi. Tashrif davomida universitet jamoasi Jizzax shahridagi Prezident maktabi hamda bir qator yirik oʻquv markazlarida boʻlib, oʻquvchilar, abituriyentlar va taʼlim muassasalari rahbariyati bilan uchrashuvlar tashkil etdi. Uchrashuvlarda universitetning taʼlim yoʻnalishlari, zamonaviy oʻquv dasturlari, xalqaro hamkorlik imkoniyatlari, grant va stipendiyalar, shuningdek, talabalar uchun yaratilgan sharoitlar haqida batafsil maʼlumot berildi. Shuningdek, ishtirokchilar bilan ochiq muloqot oʻtkazilib, universitetga qabul jarayoni, taʼlim sifati va talabalar hayotiga oid savollarga javoblar berildi. Tashrif doirasida oʻquv markazlari rahbariyati bilan ham uchrashuvlar tashkil etilib, yoshlarni muhandislik va texnologiyalar sohasiga yoʻnaltirish, istiqbolli hamkorlik aloqalarini rivojlantirish masalalari muhokama qilindi. Mazkur tashrif Toshkent Tech Universitetining hududlardagi yoshlarni zamonaviy kasblarga yoʻnaltirish, ularning oliy taʼlimga boʻlgan qiziqishini oshirish hamda mamlakatimiz uchun malakali muhandis kadrlar tayyorlash borasidagi tizimli faoliyatining navbatdagi muhim bosqichi bo‘ldi.
Tashkent Tech Model United Nations
31-may kuni “Tashkent University of Technology”da “Tashkent Tech Model United Nations” (TTMUN) tadbiri bo‘lib o‘tdi. Mazkur yirik ta’lim loyihasi 200 nafardan ortiq delegatlarni birlashtirdi. Tadbirda mahalliy ishtirokchilar bilan bir qatorda xorijiy delegatlar ham faol qatnashdilar. Ishtirokchilar turli davlatlar vakillari rolida faoliyat yuritib, texnologiyalar, muhandislik, innovatsiyalar va xalqaro hamkorlik sohalaridagi dolzarb global masalalarni muhokama qildilar. Tadbir yoshlarni jamoatchilik va xalqaro kun tartibidagi muhim masalalarga jalb etish, ularda diplomatiya, yetakchilik hamda muzokara olib borish ko‘nikmalarini rivojlantirish maqsadida tashkil etildi. Konferensiya yakunlariga ko‘ra, eng faol va munosib ishtirokchilar quyidagi nominatsiyalar bo‘yicha taqdirlandilar: 🏆 Best Delegate 🎤 Best Speaker 📄 Best Position Paper Tadbirning muvaffaqiyatli o‘tishiga hissa qo‘shgan barcha ishtirokchilar, tashkilotchilar va mehmonlarga samimiy minnatdorlik bildiramiz. Shuningdek, “Tashkent University of Technology”ning navbatdagi loyihalarida yana uchrashishga umid qilamiz.
28-aprel kuni Toshkent shahridagi O‘zbekiston Respublikasi Oliy ta’lim, fan va innovatsiyalar vazirligi tomonidan tashkil etilgan “Kelajak muhandislari” xalqaro festivaliga rasmiy start berildi.
28-aprel kuni Toshkent shahridagi O‘zbekiston Respublikasi Oliy ta’lim, fan va innovatsiyalar vazirligi tomonidan tashkil etilgan “Kelajak muhandislari” xalqaro festivaliga rasmiy start berildi. Tadbir O‘zbekiston, Rossiya, Qozog‘iston, Qirg‘iziston, Xitoy va Tojikistondan kelgan yosh muhandislar va ixtirochilarni bir maydonga jamlab, innovatsion g‘oyalar almashinuvi va hamkorlik uchun muhim platformaga aylandi. 🇺🇿🇷🇺🇰🇬🇨🇳🇹🇯 Ochilish marosimida xalqaro mehmonlar va yetakchi oliy ta’lim muassasalari rektorlari ishtirok etdi. Jumladan, “Tashkent University of Technology” rektori Adxam Xudaykulov muhandislik ta’limini rivojlantirish va xalqaro hamkorlikni kengaytirishning ahamiyatini ta’kidlab nutq berdi. Tadbirda shuningdek, nufuzli xalqaro mehmonlar — Serge Haroche (Nobel mukofoti laureati), Moez Chakchouk va Oliver Tian ishtirok etib, muhandislik ta’limining global ahamiyatini yana bir bor ko‘rsatdi. Festivalning eng muhim natijalaridan biri — Markaziy Osiyo va Rossiya oliy ta’lim muassasalari o‘rtasida Mintaqaviy akademik muhandislik maktablari konsorsiumining tashkil etilishi bo‘ldi. Ushbu tashabbus akademik hamkorlik, ilmiy tadqiqotlar va talabalar almashinuvini rivojlantirishga xizmat qiladi. Festival doirasida 9 ta yo‘nalish va 23 ta kichik yo‘nalish bo‘yicha musobaqalar, xalqaro olimpiadalar, innovatsion ko‘rgazmalar, forumlar va hakatonlar o‘tkazilmoqda . Ushbu festival O‘zbekistonning muhandislik va innovatsiyalar sohasidagi xalqaro maydondagi o‘rnini yanada mustahkamlovchi yirik platforma sifatida ahamiyat kasb etadi.
Endi Tаshkent Tech’da o‘qib dunyoning TOP-40 taligiga kiruvchi Shanghai Jiao Tong University diplomini ham olish imkoniyati mavjud!
Endi Tаshkent Tech’da o‘qib dunyoning TOP-40 taligiga kiruvchi Shanghai Jiao Tong University diplomini ham olish imkoniyati mavjud! Xitoy Xalq Respublikasiga amalga oshirilgan xizmat safari doirasida Tashkent Tech rektori Xudaykulov Adxam Yusupovich hamda Boston Consulting Group (BCG) ekspertlari ishtirokida Shanghai Jiao Tong University (SJTU) rahbariyati bilan uchrashuv o‘tkazdi. Tashkent University of Technology va SJTU o‘rtasida amalga oshirilayotgan 2+2 qo‘shma ta’lim dasturi doirasida talabalar dastlabki ikki yilni Toshkentda, keyingi ikki yilni Shanxayda davom ettirish imkoniga ega bo‘ladilar. Dastur xalqaro standartlarga mos ta’lim, ilg‘or laboratoriyalar, zamonaviy infratuzilma hamda dunyo darajasidagi professorlar bilan ishlash imkoniyatini taqdim etadi. Bu — nafaqat diplom, balki global tajriba, yangi imkoniyatlar va xalqaro karyera sari mustahkam qadamdir. 📞+998 77 288 82 82 📞+998 77 718 82 82 🌐 tashkenttech-edu.uz
Joriy yilning 3 aprel kuni Siradjev Ilxom Toxirovich Toshkent Texnologiyalar Universitetiga tashrif buyurdi
Joriy yilning 3 aprel kuni Siradjev Ilxom Toxirovich Toshkent Texnologiyalar Universitetiga tashrif buyurdi. Tadbirda Salomov Uktam Rahimovich va “Boston Consulting Group” vakillari ham ishtirok etdi. Rektor Xudaykulov Adxam Yusupovich universitet imkoniyatlari va xalqaro hamkorliklar haqida ma’lumot berdi. Shuningdek, universitetni rivojlantirish strategiyasi, yangi kampus loyihasi va Foundation dasturi natijalari taqdim etildi. Uchrashuv davomida ta’lim sifatini oshirish va hamkorlikni kengaytirish masalalari muhokama qilindi
2025/2026-oʻquv yili qabuli doirasida suhbatlar tashkil etildi
O‘zbekiston poytaxtida yangi zamonaviy texnika universiteti — **TASHKENT TECH** tashkil etiladi. Loyiha O‘zbekiston Respublikasi Prezidenti Administratsiyasi rahbari yordamchisi Saida Mirziyoyeva tashabbusi bilan ilgari surilgan. Kecha universitetni tashkil etish masalalariga bag‘ishlangan tashkiliy qo‘mita yig‘ilishi bo‘lib o‘tdi. Yangi universitet O‘zbekiston Respublikasi Prezidentining tashabbusi doirasida Toshkent davlat texnika universiteti negizida tashkil etilib, oliy ta’lim tizimida amalga oshirilayotgan islohotlarning muhim tarkibiy qismiga aylanadi. Uning asosiy maqsadi yangi avlod muhandislarini tayyorlash hamda yoshlar orasida texnik mutaxassisliklarning jozibadorligini oshirishdan iborat. **TASHKENT TECH** konsepsiyasi xalqaro konsalting kompaniyasi **Boston Consulting Group (BCG)** bilan hamkorlikda ishlab chiqilmoqda. Mazkur hamkorlik ta’lim jarayoniga ilg‘or xalqaro standartlar, innovatsion o‘qitish metodlari va samarali boshqaruv modellarini joriy etishga xizmat qiladi. “Bizning strategik maqsadimiz — jahon standartlariga javob beradigan yangi formatdagi texnika universitetini yaratish. Ishonchim komilki, **TASHKENT TECH** shunchaki universitet emas, balki O‘zbekistonning texnologik mustaqilligi va barqaror sanoat rivojlanishining harakatlantiruvchi kuchiga aylanadi”, — deya ta’kidladi Saida Mirziyoyeva. **TASHKENT TECH** yuqori malakali texnik mutaxassislarni tayyorlash bo‘yicha yetakchi ta’lim muassasasiga, zamonaviy texnologiyalar va innovatsiyalarni amaliyotga joriy etish platformasiga hamda mamlakatning muhandislik salohiyatini rivojlantirishning muhim tarkibiy qismiga aylanishi kutilmoqda.
Tashkent Tech bepul Foundation dasturi uchun ilk kirish testini oʻtkazdi
29–30-noyabr kunlari Toshkent Texnologiyalar Universitetida (Tashkent Tech) 11-sinf o‘quvchilari uchun matematika va fizika fanlaridan bepul tayyorlov dasturi — **Foundation** dasturida ishtirok etish uchun saralash testi o‘tkazildi. Mazkur tashabbus o‘quvchilarning muhim STEM fanlari bo‘yicha asosiy bilimlarini mustahkamlash hamda ularni universitetdagi ta’limga puxta va ishonchli tayyorlashga qaratilgan. Saralash testida **200 dan ortiq nomzod** ishtirok etib, dasturga bo‘lgan katta qiziqishini va imkon qadar tezroq o‘qishni boshlash istagini namoyon etdi. Foundation dasturi o‘zbek va rus tillarida olib boriladi, bu esa mamlakatning turli hududlaridan bo‘lgan yuqori motivatsiyaga ega o‘quvchilar uchun dasturdan foydalanish imkoniyatini yaratadi. Kursning o‘quv materiallari va tuzilmasi Germaniyaning **Constructor University** universiteti tomonidan ishlab chiqilgan. Mazkur xalqaro universitet STEM dasturlarini ishlab chiqish va iqtidorli yoshlar bilan ishlash bo‘yicha katta tajribaga ega. Dastur zamonaviy o‘qitish metodikalarini, amaliy mashg‘ulotlarni hamda muhandislik tafakkurini rivojlantirishga alohida e’tiborni o‘zida mujassam etadi. **Tashkent Tech rektori Adham Xudoyqulov** dastur ishga tushirilishining universitet missiyasidagi strategik ahamiyatini ta’kidladi: “**Tashkent Tech** kelgusi 5, 10 va hatto 15 yil ichida talab yuqori bo‘ladigan kasblar uchun yangi avlod muhandislarini tayyorlashga intiladi. O‘quvchilar STEM yo‘nalishlari bo‘yicha tizimli tayyorgarlikni qanchalik erta boshlasalar, universitet darajasidagi o‘quv jarayoniga moslashishlari va kelajakdagi kasbiy yo‘nalishlari bo‘yicha asoslangan qarorlar qabul qilishlari shunchalik oson bo‘ladi. Foundation dasturi bu yo‘ldagi ilk qadamdir va o‘quvchilarning bunday katta qiziqish bildirayotganidan mamnunmiz”, — dedi u. **Constructor University Talant dasturlari direktori Olga Kornienko** texnik fanlarni erta o‘zlashtirish va kasbga yo‘naltirishning muhimligini ta’kidladi: “Maktab o‘quvchilarida STEM fanlariga qiziqishni shakllantirish orqali ularning kelajakda muhandislik va texnologiyalar sohasida muvaffaqiyat qozonishi uchun mustahkam poydevor yaratamiz. Tashkent Tech bilan hamkorlik qilish va O‘zbekistonda STEM ta’limini rivojlantirishga hissa qo‘shishdan mamnunmiz”, — dedi u. Foundation dasturining tashkil etilishi **Tashkent Tech** universitetining O‘zbekistonda kelajakdagi texnologik iqtisodiyot ehtiyojlariga javob beradigan zamonaviy muhandislik ta’limi ekotizimini yaratish missiyasini aks ettiradi. Milliy va xalqaro mehnat bozori tadqiqotlari shuni ko‘rsatadiki, STEM yo‘nalishlari bo‘yicha maqsadli tayyorgarlik qanchalik erta boshlansa, o‘quvchilarning muhandislik dasturlarini muvaffaqiyatli tamomlashi, innovatsion loyihalarda ishtirok etishi va yuqori texnologiyalar sohasida faoliyat yuritish ehtimoli shunchalik yuqori bo‘ladi. Foundation dasturining ishga tushirilishi **Tashkent Tech** rivojidagi muhim bosqich bo‘lib, kelgusi o‘n yilliklarda mamlakat taraqqiyotini belgilaydigan texnik yo‘nalishlarga talabalarning uzoq muddatli qiziqishini shakllantirish uchun mustahkam poydevor bo‘lib xizmat qiladi.
English
Uzbek
Russian
