"TOSH TECH" TEXNIKA UNIVERSITETIGA QABUL BOSHLANDI
O'zbekiston Respublikasi Prezidentining PQ-274-son qaroriga muvofiq tashkil etilgan "TOSH TECH" Texnika Universiteti 2026/2027-o'quv yili uchun abituriyentlardan hujjatlar qabul qilish boshlandi. Ta'lim yo'nalishlari:60710400 - Energetika muhandisligi60710500 - Elektr muhandisligi60712200 - Sanoat muhandisligi va menejmenti60720300 - MaterialshunoslikImtihon fanlari ro‘yxati: MatematikaFizikaIngliz tiliKirish imtihonlari xalqaro hamkor tashkilotlarning ekspertlar guruhi ishtirokida tashkil etiladi. Talabalikka tavsiya etilgan barcha nomzodlarga 100 foiz davlat granti taqdim etiladi. Ro'yxatdan o'tish: https://my.uzbmb.uz/service/56 Hujjatlar 2026-yil 25-iyunga qadar qabul qilinadi.
Toshkent Tech Universiteti jamoasi Jizzax viloyatidagi iqtidorli yoshlar bilan uchrashdi
Oʻzbekistonda zamonaviy muhandis kadrlar salohiyatini oshirish hamda yoshlarni sifatli oliy taʼlimga keng jalb etish maqsadida Toshkent Tech Universiteti vakillari Jizzax viloyatida targʻibot va taqdimot tadbirlarini oʻtkazdi. Tashrif davomida universitet jamoasi Jizzax shahridagi Prezident maktabi hamda bir qator yirik oʻquv markazlarida boʻlib, oʻquvchilar, abituriyentlar va taʼlim muassasalari rahbariyati bilan uchrashuvlar tashkil etdi. Uchrashuvlarda universitetning taʼlim yoʻnalishlari, zamonaviy oʻquv dasturlari, xalqaro hamkorlik imkoniyatlari, grant va stipendiyalar, shuningdek, talabalar uchun yaratilgan sharoitlar haqida batafsil maʼlumot berildi. Shuningdek, ishtirokchilar bilan ochiq muloqot oʻtkazilib, universitetga qabul jarayoni, taʼlim sifati va talabalar hayotiga oid savollarga javoblar berildi. Tashrif doirasida oʻquv markazlari rahbariyati bilan ham uchrashuvlar tashkil etilib, yoshlarni muhandislik va texnologiyalar sohasiga yoʻnaltirish, istiqbolli hamkorlik aloqalarini rivojlantirish masalalari muhokama qilindi. Mazkur tashrif Toshkent Tech Universitetining hududlardagi yoshlarni zamonaviy kasblarga yoʻnaltirish, ularning oliy taʼlimga boʻlgan qiziqishini oshirish hamda mamlakatimiz uchun malakali muhandis kadrlar tayyorlash borasidagi tizimli faoliyatining navbatdagi muhim bosqichi bo‘ldi.
Tashkent Tech Model United Nations
31-may kuni “Tashkent University of Technology”da “Tashkent Tech Model United Nations” (TTMUN) tadbiri bo‘lib o‘tdi. Mazkur yirik ta’lim loyihasi 200 nafardan ortiq delegatlarni birlashtirdi. Tadbirda mahalliy ishtirokchilar bilan bir qatorda xorijiy delegatlar ham faol qatnashdilar. Ishtirokchilar turli davlatlar vakillari rolida faoliyat yuritib, texnologiyalar, muhandislik, innovatsiyalar va xalqaro hamkorlik sohalaridagi dolzarb global masalalarni muhokama qildilar. Tadbir yoshlarni jamoatchilik va xalqaro kun tartibidagi muhim masalalarga jalb etish, ularda diplomatiya, yetakchilik hamda muzokara olib borish ko‘nikmalarini rivojlantirish maqsadida tashkil etildi. Konferensiya yakunlariga ko‘ra, eng faol va munosib ishtirokchilar quyidagi nominatsiyalar bo‘yicha taqdirlandilar: 🏆 Best Delegate 🎤 Best Speaker 📄 Best Position Paper Tadbirning muvaffaqiyatli o‘tishiga hissa qo‘shgan barcha ishtirokchilar, tashkilotchilar va mehmonlarga samimiy minnatdorlik bildiramiz. Shuningdek, “Tashkent University of Technology”ning navbatdagi loyihalarida yana uchrashishga umid qilamiz.
28-aprel kuni Toshkent shahridagi O‘zbekiston Respublikasi Oliy ta’lim, fan va innovatsiyalar vazirligi tomonidan tashkil etilgan “Kelajak muhandislari” xalqaro festivaliga rasmiy start berildi.
28-aprel kuni Toshkent shahridagi O‘zbekiston Respublikasi Oliy ta’lim, fan va innovatsiyalar vazirligi tomonidan tashkil etilgan “Kelajak muhandislari” xalqaro festivaliga rasmiy start berildi. Tadbir O‘zbekiston, Rossiya, Qozog‘iston, Qirg‘iziston, Xitoy va Tojikistondan kelgan yosh muhandislar va ixtirochilarni bir maydonga jamlab, innovatsion g‘oyalar almashinuvi va hamkorlik uchun muhim platformaga aylandi. 🇺🇿🇷🇺🇰🇬🇨🇳🇹🇯 Ochilish marosimida xalqaro mehmonlar va yetakchi oliy ta’lim muassasalari rektorlari ishtirok etdi. Jumladan, “Tashkent University of Technology” rektori Adxam Xudaykulov muhandislik ta’limini rivojlantirish va xalqaro hamkorlikni kengaytirishning ahamiyatini ta’kidlab nutq berdi. Tadbirda shuningdek, nufuzli xalqaro mehmonlar — Serge Haroche (Nobel mukofoti laureati), Moez Chakchouk va Oliver Tian ishtirok etib, muhandislik ta’limining global ahamiyatini yana bir bor ko‘rsatdi. Festivalning eng muhim natijalaridan biri — Markaziy Osiyo va Rossiya oliy ta’lim muassasalari o‘rtasida Mintaqaviy akademik muhandislik maktablari konsorsiumining tashkil etilishi bo‘ldi. Ushbu tashabbus akademik hamkorlik, ilmiy tadqiqotlar va talabalar almashinuvini rivojlantirishga xizmat qiladi. Festival doirasida 9 ta yo‘nalish va 23 ta kichik yo‘nalish bo‘yicha musobaqalar, xalqaro olimpiadalar, innovatsion ko‘rgazmalar, forumlar va hakatonlar o‘tkazilmoqda . Ushbu festival O‘zbekistonning muhandislik va innovatsiyalar sohasidagi xalqaro maydondagi o‘rnini yanada mustahkamlovchi yirik platforma sifatida ahamiyat kasb etadi.
Endi Tаshkent Tech’da o‘qib dunyoning TOP-40 taligiga kiruvchi Shanghai Jiao Tong University diplomini ham olish imkoniyati mavjud!
Endi Tаshkent Tech’da o‘qib dunyoning TOP-40 taligiga kiruvchi Shanghai Jiao Tong University diplomini ham olish imkoniyati mavjud! Xitoy Xalq Respublikasiga amalga oshirilgan xizmat safari doirasida Tashkent Tech rektori Xudaykulov Adxam Yusupovich hamda Boston Consulting Group (BCG) ekspertlari ishtirokida Shanghai Jiao Tong University (SJTU) rahbariyati bilan uchrashuv o‘tkazdi. Tashkent University of Technology va SJTU o‘rtasida amalga oshirilayotgan 2+2 qo‘shma ta’lim dasturi doirasida talabalar dastlabki ikki yilni Toshkentda, keyingi ikki yilni Shanxayda davom ettirish imkoniga ega bo‘ladilar. Dastur xalqaro standartlarga mos ta’lim, ilg‘or laboratoriyalar, zamonaviy infratuzilma hamda dunyo darajasidagi professorlar bilan ishlash imkoniyatini taqdim etadi. Bu — nafaqat diplom, balki global tajriba, yangi imkoniyatlar va xalqaro karyera sari mustahkam qadamdir. 📞+998 77 288 82 82 📞+998 77 718 82 82 🌐 tashkenttech-edu.uz
Joriy yilning 3 aprel kuni Siradjev Ilxom Toxirovich Toshkent Texnologiyalar Universitetiga tashrif buyurdi.
Joriy yilning 3 aprel kuni Siradjev Ilxom Toxirovich Toshkent Texnologiyalar Universitetiga tashrif buyurdi. Tadbirda Salomov Uktam Rahimovich va “Boston Consulting Group” vakillari ham ishtirok etdi. Rektor Xudaykulov Adxam Yusupovich universitet imkoniyatlari va xalqaro hamkorliklar haqida ma’lumot berdi. Shuningdek, universitetni rivojlantirish strategiyasi, yangi kampus loyihasi va Foundation dasturi natijalari taqdim etildi. Uchrashuv davomida ta’lim sifatini oshirish va hamkorlikni kengaytirish masalalari muhokama qilindi
“ToshTech” universitetining tantanali ochilish marosimi
2026-yil 26-yanvar kuni “ToshTech” universitetining tantanali ochilish marosimi bo‘lib o‘tdi. Marosimda O‘zbekiston Respublikasi Oliy ta’lim, fan va innovatsiyalar vaziri Q.A. Sharipov, O‘zbekiston Respublikasi Energetika vaziri J.T. Mirzamahmudov, O‘zbekiston Respublikasi Iqtisodiyot va moliya vaziri o‘rinbosari Otabek Rustamovich Fozilkarimov, O‘zbekiston Respublikasi Prezidenti huzuridagi “El-yurt umidi” jamg‘armasi ijrochi direktori G.S. Ismailova hamda boshqa tashkilot rahbarlari ishtirok etdilar. Shuningdek, “Hududiy elektr tarmoqlari” AJ, “O‘zenergoinjiniring” AJ, “O‘zbekiston milliy elektr tarmoqlari” AJ, “O‘zbekiston texnologik metallar kombinati” AJ va “Issiqlik elektr stansiyalari” AJ rahbarlari ham marosimda qatnashdilar. Xorijiy hamkorlardan Germaniyaning Bremen universiteti va AQSHning Boston Consulting Group vakillari ishtirok etdilar. Tantanali marosim doirasida faxriy mehmonlar ramziy qizil lentani kesib universitet faoliyatiga rasman start berdilar. Tadbir doirasida O‘zbekiston Respublikasi Oliy ta’lim, fan va innovatsiyalar vazirligi, “ToshTech” texnik universiteti hamda Boston Consulting Group o‘rtasida “2026-yilga mo‘ljallangan YO‘L XARITASI” imzolandi. Shuningdek, universitet O‘zbekiston Respublikasi Energetika vazirligi, O‘zbekiston Respublikasi Prezidenti huzuridagi “El-yurt umidi” jamg‘armasi hamda “O‘zbekiston milliy elektr tarmoqlari” AJ, “Issiqlik elektr stansiyalari” AJ, “Hududiy elektr tarmoqlari” AJ, “O‘zbekiston texnologik metallar kombinati” AJ va “O‘zenergoinjiniring” AJ kabi sanoat korxonalari bilan anglashuv memorandumlarini imzoladi. Ushbu hamkorlik talabalar uchun amaliyot o‘tash, stajirovka, qo‘shma loyihalarda ishtirok etish va kafolatlangan ish bilan ta’minlanish imkoniyatlarini ochib beradi. “ToshTech” — bu shunchaki ta’lim muassasasi emas, balki g‘oyalar tug‘iladigan, jamoalar shakllanadigan va nazariya innovatsion texnologiyalarga aylanadigan muhandislik ekotizimidir. Universitet O‘zbekiston va butun Markaziy Osiyoning uzoq muddatli iqtisodiy raqobatbardoshligini oshirishga xizmat qiladi.
Tashkent Tech “Foundations” dasturi uchun birinchi kirish imtihonlari o‘tkazdi — maqsad: yangi avlod muhandislarini tayyorlash
29–30 noyabr kunlari Tashkent University of Technology (Tashkent Tech) “Foundations” dasturida ishtirok etish uchun tanlov test sinovlarini o‘tkazdi. “Foundations” — 11-sinf o‘quvchilari uchun matematika va fizikadan bepul tayyorlov kursi bo‘lib, uning maqsadi — STEM yo‘nalishidagi asosiy bilimlarni mustahkamlash va abituriyentlarni universitet ta’limiga tayyorlashdir. Test sinovlarida 200 dan ortiq nomzod ishtirok etib, dasturga bo‘lgan katta qiziqishlari va o‘qishni tezroq boshlash istaklarini namoyon etdilar. “Foundations” dasturi o‘zbek va rus tillarida olib boriladi, bu esa mamlakatimizning turli hududlaridan kelgan motivatsiyasi yuqori o‘quvchilar uchun keng imkoniyat yaratadi. Kurs materiallari va tuzilmasi STEM dasturlarini yaratish va iqtidorli talabalar bilan ishlash bo‘yicha katta tajribaga ega xalqaro universitet – Constructor University (Germaniya) jamoasi tomonidan ishlab chiqilgan. Dasturda zamonaviy o‘qitish usullari, amaliy mashg‘ulotlar va muhandislik tafakkurini rivojlantirishga qaratilgan yondashuv birlashtirilgan. Tashkent Tech rektori Adham Xudayqulovning so‘zlariga ko‘ra, dasturning ishga tushirilishi universitet uchun strategik ahamiyatga ega: «Tashkent Tech 5, 10 va hatto 15 yildan keyin talab qilinadigan mutaxassisliklar bo‘yicha yangi avlod muhandislarini tayyorlashni maqsad qilgan. Maktab o‘quvchilari STEM yo‘nalishlarida qanchalik erta tizimli tayyorgarlikni boshlasalar, universitet ta’limiga shunchalik tez moslashadi va kelajak kasbini ongli ravishda tanlaydi. “Foundations” dasturi — ana shu yo‘nalishdagi birinchi qadam. O‘quvchilar o‘rtasidagi bunday yuqori qiziqish bizni quvontiradi» - deb qayd etdilar. Constructor University’ning iqtidorli yoshlar bilan ishlash dasturlari direktori Olga Kornienko esa erta kasbiy yo‘naltirish va texnik fanlarni chuqur o‘rganishning ahamiyatini qo‘shimcha qilib: "Maktab o‘quvchilarida STEM fanlariga qiziqishni kuchaytirish orqali biz muhandislik va texnologiya sohalarida kelajakdagi muvaffaqiyatlar uchun poydevor yaratmoqdamiz. Tashkent Tech bilan hamkorlik qilishdan va O‘zbekistonda STEM ta’limining rivojlantirishga hissa qo‘shishdan mamnunmiz » - deb aytdilar. “Foundations” dasturining yaratilishi Tashkent Tech universitetining missiyasini aks ettiradi — mamlakatda kelajak texnologik iqtisodiyoti ehtiyojlariga javob beroladigan zamonaviy muhandislik ta’lim ekotizimini shakllantirish. Milliy va xalqaro mehnat bozori tadqiqotlari shuni tasdiqlaydiki, STEM bo‘yicha maqsadli tayyorgarlik qanchalik erta boshlansa, talabalarning muhandislik dasturlarini muvaffaqiyatli tamomlashlari, innovatsion loyihalarda o‘zlarini ko‘rsatishlari va yuqori texnologiyali sohalarda martaba qurish imkoniyatlari shunchalik yuqori bo‘ladi. “Foundations” dasturining boshlanishi Tashkent Tech rivojida muhim bosqich boʻladi va oʻquvchilarda mamlakatning kelgusi oʻn yilliklarda rivojlanishini shakllantiradigan texnik sohalarga doimiy qiziqishlarini oshirish uchun asos boʻlib xizmat qiladi.
2025/2026 qabul jarayonining bir qismi sifatida tashkil etilgan suhbatlar
O‘zbekiston poytaxtida TASHKENT TECH nomli yangi zamonaviy texnika universiteti tashkil etiladi. Loyiha Prezident yordamchisi Saida Mirziyoyeva tashabbusi bilan amalga oshirilmoqda. Kecha universitetni tashkil etish bo‘yicha tashkiliy qo‘mita yig‘ilishi bo‘lib o‘tdi. Yangi universitet O‘zbekiston Respublikasi Prezidenti tashabbusi doirasida Toshkent davlat texnika universiteti negizida ishlab chiqiladi va oliy ta’lim tizimida amalga oshirilayotgan islohotlarning muhim elementiga aylanadi. Uning asosiy maqsadi muhandislarning yangi avlodini tayyorlash va yoshlar o‘rtasida texnik mutaxassisliklarning jozibadorligini oshirishdan iborat. TASHKENT TECH kontseptsiyasi Boston Consulting Group xalqaro konsalting kompaniyasi bilan hamkorlikda ishlab chiqilmoqda. Ushbu hamkorlik ilg‘or xalqaro standartlar, innovatsion o‘qitish usullari va samarali boshqaruv modellarini ta’lim jarayoniga integratsiyalashga yordam beradi. "Bizning strategik maqsadimiz - jahon standartlariga javob beradigan yangi formatdagi texnik universitet yaratish. Ishonchim komilki, TASHKENT TECH nafaqat universitet, balki Oʻzbekistonning texnologik suvereniteti va barqaror sanoat oʻsishi uchun harakatlantiruvchi kuch boʻladi", - dedi Saida Mirziyoyeva. TASHKENT TECH yuqori malakali texnik kadrlar tayyorlash bo‘yicha yetakchi institut, zamonaviy texnologiyalar va innovatsiyalarni joriy etish platformasi hamda mamlakat muhandislik salohiyatini shakllantirishning muhim elementiga aylanishi kutilmoqda.
English
Uzbek
Russian
